Mundaı las isti ádetke aınaldyrǵandar urlyqty túngi mezgildi jasap, bóshkelerdegi munaıdyń bir bóligin satyp jibergen. Kompanııada munaıdy esepke alý isiniń avtomattandyrylmaǵany, óndirilgen shıkizattyń ortalyqtandyrylǵan kollektorǵa emes, bólek turǵan bóshkelerge quıylǵany – ábden ákkilenip alǵan munaı urlaýshylardyń oń jambastaryna dóp kelgen. Osyndaı tásilmen 530 tonna munaı urlanǵan. Aqtóbe oblystyq prokýrorynyń birinshi orynbasary Nurdáýlet Súıindikov «Egemen.kz» tilshisiniń saýalyna osylaı jaýap berdi.
Sondaı-aq onyń aıtýynsha ken oryndarynyń qazirgi kúzet tásilderi tıimsiz. Tipti kúzetshilerdiń ózderiniń urlyq shemalaryna qatysý kórinisteri kezdesedi. Nysandardy qashyqtan baqylaıtyn zamanýı elektrondyq kúzet júıeleri engizilmegen. Munaı tasymaldaýshy avtokólikterdiń paıdalanýy da qadaǵalana bermeıdi. Polısııa olardyń jol-qozǵalysy erejelerin saqtaýyn ǵana tekseredi. Buǵan aldaǵy ýaqytta GPS qondyrǵylaryn ornatý qajettigi de ýaqytty kúttirmeıdi. Bul usynystar bas prokýratýraǵa jodanǵan. Túıip aıtqanda óńirde sońǵy bes jylda munaı urlyǵyna qatysty 160 qylmystyq is tergelgen. Onyń barysynda kelgen shyǵyn7 mıllıard tengeden asatyny anyqtaldy.
Temir Qusaıyn,
Aqtóbe